ട്രെന്‍ഡിങ്
പതിനായിരം ക്ലബ്ബിലെത്താന്‍ വിരാട് കോലിക്ക് വേണ്ടിയിരുന്നത് വെറും 770 റണ്‍സ് ; 'ഗോട്ട്' ടെസ്റ്റില്‍ നിന്ന് വിരമിക്കുമ്പോള്‍...
ടെസ്റ്റിലും ഏകദിനത്തിലും 10,000 റണ്‍സ് തികയ്ക്കുന്ന ചരിത്രത്തിലെ എട്ടാമത്തെ ബാറ്റ്‌സ്മാന്‍ എന്ന നേട്ടത്തിന്റെ പടിവാതില്‍ക്കലായിരുന്നു വിരാട് കോലി. എന്നാല്‍, വെറും 770 റണ്‍സിന്റെ അകലം ബാക്കിവച്ച് താരം ടെസ്റ്റ് ക്രിക്കറ്റില്‍ നിന്ന് പാഡഴിച്ചു.
Authored by: Sabin K P
Updated May 12, 2025, 14:50 IST
Virat Kohli Test Stats
മുംബൈ: ടെസ്റ്റ് ക്രിക്കറ്റില്‍ 770 റണ്‍സിന്റെ അകലമെന്നത് വിരാട് കോലിയെ സംബന്ധിച്ച് ഒരു നിര്‍ണായക നാഴികക്കല്ലിലേക്കുള്ള ചെറുദൂരമായിരുന്നു. ഏകദിനത്തിന് പുറമെ ടെസ്റ്റിലും പതിനായിരം തികയ്ക്കുന്ന താരമാകാനാകുമായിരുന്നു. ആ ക്ലബ്ബില്‍ ഇടം നേടുന്ന ലോകത്തെ എട്ടാമനാകാനും സാധിക്കുമായിരുന്നു. എന്നാല്‍ ആ നേട്ടം വേണ്ടെന്നുവച്ചാണ് വിരാട് കോലിയുടെ വിരമിക്കല്‍.
സച്ചിന്‍ ടെന്‍ഡുല്‍ക്കര്‍, റിക്കി പോണ്ടിങ്, ബ്രയാന്‍ ലാറ, ജാക്വിസ് കാലിസ്, രാഹുല്‍ ദ്രാവിഡ്, കുമാര്‍ സങ്കക്കാര, മഹേല ജയവര്‍ദനെ എന്നിവരാണ് ടെസ്റ്റിലും ഏകദിനത്തിലും പതിനായിരം റണ്‍സ് നേടിയ ഇതിഹാസ താരങ്ങള്‍.
2011ല്‍ അരങ്ങേറ്റം കുറിച്ചതിനുശേഷം, കോലി 123 ടെസ്റ്റുകളില്‍ നിന്ന് 46.85 ശരാശരിയില്‍ 30 സെഞ്ച്വറികളും 31 അര്‍ദ്ധസെഞ്ച്വറികളും ഉള്‍പ്പടെ 9,230 റണ്‍സ് നേടിയിട്ടുണ്ട്. 68 വിദേശ ടെസ്റ്റുകളില്‍ നിന്ന് 41.13 ശരാശരിയില്‍ 4,894 റണ്‍സാണ് സമാഹരിച്ചത്. അതില്‍ 16 സെഞ്ച്വറികള്‍ ഉള്‍പ്പെടുന്നു. 55 ഹോം ടെസ്റ്റുകളില്‍ നിന്ന് 55.58 ശരാശരിയില്‍ 4,336 റണ്‍സ് നേടി.
എന്നാല്‍ മോശം ഫോമാണ് കോലിയുടെ വിരമിക്കല്‍ തീരുമാനത്തിന് നിദാനമായത്. ബോര്‍ഡര്‍ ഗവാസ്‌കര്‍ ട്രോഫിയില്‍ ഒമ്പത് ഇന്നിങ്സുകളില്‍ നിന്നായി 190 റണ്‍സ് മാത്രമാണ് കോലിക്ക് നേടാനായത്. 23.75 ആയിരുന്നു താരത്തിന്റെ ശരാശരി. പരമ്പരയിലെ തോല്‍വിയില്‍ കോലി ഏറെ അതൃപ്തനുമായിരുന്നു. ഇതിന് പിന്നാലെയാണ് താരം വിരമിക്കാന്‍ ഒരുങ്ങുന്നുവെന്ന വിവരം പുറത്തുവന്നത്.
വിരാട് കോലിക്കെതിരെ ആ ഘട്ടത്തില്‍ കടുത്ത വിമര്‍ശനങ്ങളും ഉയര്‍ന്നു. കടുത്ത മാനസിക സമ്മര്‍ദത്തിലൂടെയാണ് ആ ദിവസങ്ങളില്‍ കടന്നുപോയതെന്ന് താരം വെളിപ്പെടുത്തിയിരുന്നു.
അഞ്ച് വര്‍ഷത്തിനിടെ 37 മത്സരങ്ങളില്‍ നിന്ന് മൂന്ന് സെഞ്ച്വറികളുള്‍പ്പടെ 1,990 റണ്‍സാണ് താരം നേടിയത്.
Sabin K P author
ടൈംസ് നൗ വാര്‍ത്തയില്‍ അസിസ്റ്റന്റ് ന്യൂസ് എഡിറ്ററാണ് കെ.പി സബിന്‍. കാലിക്കറ്റ് സര്‍വകലാശാലയില്‍ നിന്ന് ഇംഗ്ലീഷ് സാഹിത്യത്തില്‍ ബിരുദവും, കാലിക്കറ്റ് ...വ്യൂ മോര്‍
ലേഖനത്തിന്‍റെ അവസാനം
Subscribe to our daily Newsletter!
Latest News
Kerala Rain Alert Today: സംസ്ഥാനത്ത് ഇന്നും മഴ തുടരും, മുന്നറിയിപ്പുകള്‍ ഇങ്ങനെ
02:50
'അഞ്ജു വണ്ണ പൂവേ...' ; വീണ്ടും എആര്‍ റഹ്‌മാന്‍ മാജിക്ക്, തഗ് ലൈഫ് വീഡിയോ സോങ് പുറത്ത്
കടുത്ത മാനസിക സമ്മർദ്ദത്തിലാണോ? ശാന്തത കൈവരിക്കാം എംഎസ് ധോണിയുടെ ഈ ഉദ്ധരണികളിലൂടെ
5 സ്റ്റെപ്പ് മാത്രം; വീട്ടിൽ തന്നെ ഉണ്ടാക്കാം അടിപൊളി മോമോസ്!
കുരുമുളക് ഇട്ടുവറ്റിച്ച മീൻ കറി കഴിച്ചിട്ടുണ്ടോ? പൊളി ഐറ്റം ആണ് മക്കളേ!
