ട്രെന്‍ഡിങ്
വീണ്ടും വൈഭവിന്റെ സര്‍ജിക്കല്‍ സ്‌ട്രൈക്ക്, വെടിക്കെട്ട് അര്‍ധ സെഞ്ച്വറി, കത്തിക്കയറി 14കാരന്‍
ചെന്നൈ സൂപ്പര്‍ കിങ്‌സിനെതിരായ മത്സരത്തില്‍ 27 പന്തില്‍ അര്‍ദ്ധ സെഞ്ച്വറി കുറിച്ച് രാജസ്ഥാന് റോയല്‍സിന്റെ 14കാരനായ താരം വൈഭവ് സൂര്യവംശി. ടീമിന്റെ വിജയത്തില്‍ ഈ ഇന്നിങ്‌സ് നിര്‍ണായകമാവുകയും ചെയ്തു.
Authored by: Sabin K P
Updated May 20, 2025, 23:46 IST
Vaibhav Suryavanshi's Half Century
ന്യൂഡല്‍ഹി: ഒരിക്കല്‍ക്കൂടി വെടിക്കെട്ട് പ്രകടനം പുറത്തെടുത്ത് കാണികളെ ത്രസിപ്പിച്ച് രാജസ്ഥാന് റോയല്‍സിന്റെ 14കാരന്‍ വൈഭവ് സൂര്യവംശി. ചെന്നൈ സൂപ്പര്‍ കിങ്‌സിനെതിരെ 27 പന്തില്‍ അര്‍ധ സെഞ്ച്വറി കുറിച്ച താരം രാജസ്ഥാന് വിജയമൊരുക്കുന്നതില്‍ നിര്‍ണായകമായ ഇന്നിങ്‌സ് പടുത്തുയര്‍ത്തുകയും ചെയ്തു.
33 പന്തില്‍ 57 റണ്‍സെടുത്ത വൈഭവിന്റെ ഇന്നിങ്‌സിന് 4 ഫോറുകളും 5 സിക്‌സുകളും നിറച്ചാര്‍ത്തേകി. നൂര്‍ അഹമ്മദിനെ അതിര്‍ത്തി കടത്തിക്കൊണ്ട് 12ാം ഓവറിലായിരുന്നു താരം അര്‍ദ്ധ സെഞ്ച്വറി കുറിച്ചത്. ഡല്‍ഹി അരുണ്‍ ജെയ്‌റ്റ്‌ലി സ്‌റ്റേഡിയത്തിലെ മത്സരത്തില്‍ രാജസ്ഥാന് റോയല്‍സ് 6 വിക്കറ്റിന്റെ തകര്‍പ്പന്‍ ജയവും നേടി.
നേരത്തെ ഗുജറാത്ത് ടൈറ്റന്‍സിനെതിരെ 38 പന്തില്‍ 101 റണ്‍സ് നേടിയ വൈഭവ് സൂര്യവംശി ഐപിഎല്‍ മത്സരങ്ങളില്‍ സെഞ്ച്വറി കുറിക്കുന്ന ഏറ്റവും പ്രായം കുറഞ്ഞ താരമായി റെക്കോര്‍ഡിട്ടിരുന്നു. 11 സിക്‌സുകളും 7 ബൗണ്ടറികളും ചേര്‍ന്നതായിരുന്നു ആ ഇന്നിങ്‌സ്.
ആദ്യം ബാറ്റ് ചെയ്ത ചെന്നൈ സൂപ്പര്‍ കിങ്‌സ് 9 വിക്കറ്റ് നഷ്ടത്തില്‍ 187 റണ്‍സെടുത്തു. എന്നാല്‍ 17 പന്ത് ശേഷിക്കെയായിരുന്നു രാജസ്ഥാന്റെ വിജയം. ടോസ് നേടിയ രാജസ്ഥാന് ബൗളിങ് തെരഞ്ഞെടുക്കുകയായിരുന്നു. സി.എസ്.കെ 20 ഓവറില്‍ എട്ട് വിക്കറ്റ് നഷ്ടത്തില്‍ 187 റണ്‍സ് നേടി.
ഓപ്പണര്‍ ആയുഷ് മഹാത്രെ (43), ഡെവാള്‍ഡ് ബ്രേവിസ് (42), ശിവം ദുബെ (39) എന്നിവര്‍ ചേര്‍ന്ന് ചെന്നൈക്ക് ഭേദപ്പെട്ട സ്‌കോര്‍ സമ്മാനിച്ചു. അതേസമയം രാജസ്ഥാന് വേണ്ടി യുദ്ധ് വീര്‍ സിങ്ങും ആകാശ് മധ്വാളും മൂന്ന് വീതം വിക്കറ്റ് വീഴ്ത്തി.
മറുപടി ബാറ്റിങ്ങില്‍ വൈഭവിന് പുറമെ രാജസ്ഥാന് റോയല്‍സിന് വേണ്ടി യശസ്വി ജയ്‌സ്വാള്‍ 36, സഞ്ജു സാംസണ്‍ 41, ധ്രുവ് ജുറേല്‍ 31 എന്നിങ്ങനെ റണ്‍സ് നേടി. ചെന്നൈക്ക് വേണ്ടി രവിചന്ദ്രന്‍ അശ്വിന്‍ 2 വിക്കറ്റ് നേടി.
Sabin K P author
ടൈംസ് നൗ വാര്‍ത്തയില്‍ അസിസ്റ്റന്റ് ന്യൂസ് എഡിറ്ററാണ് കെ.പി സബിന്‍. കാലിക്കറ്റ് സര്‍വകലാശാലയില്‍ നിന്ന് ഇംഗ്ലീഷ് സാഹിത്യത്തില്‍ ബിരുദവും, കാലിക്കറ്റ് ...വ്യൂ മോര്‍
ലേഖനത്തിന്‍റെ അവസാനം
Subscribe to our daily Newsletter!
Latest News
Gold Rate Today: ഇന്ന് വാങ്ങുന്നോ സ്വര്‍ണം ?, വിലയില്‍ ഇടിവ്, ആശ്വാസദിനം
Kerala Rain Alert Today: സംസ്ഥാനത്ത് ഇന്നും മഴ തുടരും, മുന്നറിയിപ്പുകള്‍ ഇങ്ങനെ
02:50
'അഞ്ജു വണ്ണ പൂവേ...' ; വീണ്ടും എആര് റഹ്മാന് മാജിക്ക്, തഗ് ലൈഫ് വീഡിയോ സോങ് പുറത്ത്
കടുത്ത മാനസിക സമ്മർദ്ദത്തിലാണോ? ശാന്തത കൈവരിക്കാം എംഎസ് ധോണിയുടെ ഈ ഉദ്ധരണികളിലൂടെ
5 സ്റ്റെപ്പ് മാത്രം; വീട്ടിൽ തന്നെ ഉണ്ടാക്കാം അടിപൊളി മോമോസ്!
