ട്രെന്‍ഡിങ്
'നിങ്ങള്‍ക്കിനിയൊന്നും തെളിയിക്കാനില്ല' ; ധോണി വിരമിക്കണമെന്ന് ഗില്‍ക്രിസ്റ്റ്
എംഎസ് ധോണി ലോക ക്രിക്കറ്റിലെ ചാംപ്യനും ഐക്കണുമാണ്. ഇനിയൊന്നും അദ്ദേഹത്തിന് തെളിയിക്കാനില്ലെന്നും വിരമിക്കണമെന്നും ഓസ്‌ട്രേലിയന്‍ മുന്‍ താരം ആദം ഗില്‍ക്രിസ്റ്റ്.
Authored by: Sabin K P
Updated Apr 30, 2025, 20:27 IST
Adam Gilchrist About MS Dhoni
ന്യൂഡല്‍ഹി: നടപ്പ് ഐപിഎല്ലിന് ശേഷം ചെന്നൈ നായകന്‍ എംഎസ് ധോണി വിരമിക്കണമെന്ന് ഓസ്‌ട്രേലിയന്‍ മുന്‍ ക്രിക്കറ്റ് താരം ആദം ഗില്‍ക്രിസ്റ്റ്. ധോണി ലോക ക്രിക്കറ്റിന്റെ ഐക്കണും ചാംപ്യനുമാണ്. അദ്ദേഹത്തിന് ഇനി ഒന്നും തെളിയിക്കാനില്ല. എന്ത് ചെയ്യണമെന്ന് അദ്ദേഹത്തിന് അറിയാം. പക്ഷേ അടുത്ത വര്‍ഷം അദ്ദേഹം ഇവിടെ ഉണ്ടാകേണ്ടതില്ല' - ഗില്‍ക്രിസ്റ്റ് പറഞ്ഞു.
'എംഎസ്, നിങ്ങളെ എനിക്ക് ഏറെ ഇഷ്ടമാണ്. താങ്കള്‍ ചാംപ്യനും ഐക്കണുമാണ്' -ക്രിക്കറ്റ് കമന്റേറ്റര്‍ കൂടിയായ ഗില്‍ക്രിസ്റ്റ് ക്രിക് ബസിന്റെ ചടങ്ങില്‍ വ്യക്തമാക്കി. നിലവില്‍ ചെന്നൈ സൂപ്പര്‍ കിങ്‌സിന്റെ നില അതീവ പരിതാപകരമാണ്. പോയിന്റ് പട്ടികയില്‍ പത്താമതാണ് ധോണിപ്പട. പിന്നിട്ട 9 മത്സരങ്ങളില്‍ ചെന്നൈ സൂപ്പര്‍ കിങ്സ് ഏഴിലും തോറ്റു.
രണ്ട് വിജയങ്ങളോടെ സിഎസ്‌കെയ്ക്ക് കിട്ടിയത് നാല് പോയിന്റ്. പ്ലേ ഓഫ് യോഗ്യത നേടുന്നതിനുള്ള സുരക്ഷിതനില 16 പോയിന്റാണ്. ഐപിഎല്‍ ചരിത്രത്തില്‍ ഒരു ടീമും 16 പോയിന്റുകള്‍ നേടിയ ശേഷം പ്ലേഓഫില്‍ പ്രവേശിക്കാതെ മടങ്ങിയിട്ടില്ല. ഓരോ ടീമിനും 14 ലീഗ് സ്റ്റേജ് മത്സരങ്ങളുണ്ട്.
ചെന്നൈ സൂപ്പര്‍ കിങ്സിന് ശേഷിക്കുന്നത് 5 മത്സരങ്ങള്‍ കൂടി. അഞ്ചിലും ജയിച്ചാല്‍ 10 പോയിന്റ്. അങ്ങനെയെങ്കില്‍ ആകെ 14 പോയിന്റ്. എങ്കില്‍ പോലും ചെന്നൈക്ക് പ്ലേ ഓഫില്‍ ഇടം കിട്ടണമെങ്കില്‍ അദ്ഭുതങ്ങള്‍ക്ക് കാത്തിരിക്കണം. 2022 മുതല്‍ 10 ടീമുകളുടെ ടൂര്‍ണമെന്റായി ഐപിഎല്‍ വികസിപ്പിപ്പിക്കപ്പെട്ടിട്ടുണ്ട്.
ഇതിനുശേഷം ഒരേയൊരു തവണ മാത്രമാണ് 14 പോയിന്റുള്ള ടീമിന് പ്ലേ ഓഫില്‍ കടക്കാനായത്. കഴിഞ്ഞ വര്‍ഷം ആര്‍സിബി 14 പോയിന്റുമായി യോഗ്യത നേടുകയായിരുന്നു. നാല് ടീമുകള്‍ സമനിലയില്‍ പിരിഞ്ഞതും നെറ്റ് റണ്‍റേറ്റ് നിര്‍ണായക ഘടകമായതുമാണ് ബെംഗളൂരുവിന് തുണയായത്. അങ്ങനെയൊരു ഭാഗ്യമുദിച്ചാലേ സിഎസ്‌കെയ്ക്ക് രക്ഷയുള്ളൂ.
Sabin K P author
ടൈംസ് നൗ വാര്‍ത്തയില്‍ അസിസ്റ്റന്റ് ന്യൂസ് എഡിറ്ററാണ് കെ.പി സബിന്‍. കാലിക്കറ്റ് സര്‍വകലാശാലയില്‍ നിന്ന് ഇംഗ്ലീഷ് സാഹിത്യത്തില്‍ ബിരുദവും, കാലിക്കറ്റ് ...വ്യൂ മോര്‍
ലേഖനത്തിന്‍റെ അവസാനം
Subscribe to our daily Newsletter!
Latest News
കുരുമുളക് ഇട്ടുവറ്റിച്ച മീൻ കറി കഴിച്ചിട്ടുണ്ടോ? പൊളി ഐറ്റം ആണ് മക്കളേ!
പെട്ടെന്ന് ലാഭം കൊയ്യാം, വീട്ടിൽ കൂൺകൃഷി തുടങ്ങിക്കോളൂ!
'ഇൻജെക്ഷനൊക്കെ ഓസിക്ക് ഇപ്പോഴും പേടിയാണ്, വയറ് ചെറുതാണ്, ഗർഭിണി ആണെന്ന് തോന്നില്ല'; ആദ്യത്തെ കണ്മണിക്കായി ഒരുക്കങ്ങൾ പൂർത്തിയാക്കി കൃഷ്ണകുമാറും കുടുംബവും
'റോഡിൽ വച്ച് ആയിരുന്നു, നീ ഒറ്റ ഒരുത്തി കാരണമാണ് എന്ന രീതിയിൽ എന്നെ ചീത്ത പറഞ്ഞു'; അഞ്ജു ജോസഫ്
ചെന്നൈയിലേക്കാണോ യാത്ര ?, അറിഞ്ഞിരിക്കാം ഈ 10 തമിഴ് വാക്കുകള്‍
