ട്രെന്‍ഡിങ്

ക്രിസ്റ്റ്യാനോ റൊണാള്‍ഡോ എംഎല്‍എസിലേക്കോ ? ; മെസിയുടെ എതിരാളിയാകുമോ ?

അല്‍ നസ്ര്‍ ക്ലബ് വിടുകയാണെന്ന് സൂചിപ്പിക്കുന്ന കുറിപ്പ് പങ്കുവച്ചിരിക്കുകയാണ് പോര്‍ച്ചുഗലിന്റെ ഇതിഹാസ താരം ക്രിസ്റ്റ്യാനോ റൊണാള്‍ഡോ. മേജര്‍ സോക്കര്‍ ലീഗ് (എംഎല്‍എസ്) ആണ് താരം ലക്ഷ്യമിടുന്നതെന്നാണ് സൂചന.

Cristiano Ronaldo

Cristiano Ronaldo

റിയാദ്: 'ഈ അധ്യായം അവസാനിച്ചു, കഥയോ ?, അതിപ്പോഴും എഴുത്തിലാണ്, ഏവര്‍ക്കും നന്ദി'- അല്‍ നസ്ര്‍ ക്ലബ്ബിന്റെ ജഴ്‌സിയിലുള്ള ഫോട്ടോ പങ്കുവച്ച് ക്രിസ്റ്റ്യാനോ റൊണാള്‍ഡോ സമൂഹ മാധ്യമങ്ങളില്‍ പങ്കുവച്ചതാണിത്. താരം അല്‍ നസ്ര്‍ വിടാനൊരുങ്ങുന്നുവെന്ന് നേരത്തേ റിപ്പോര്‍ട്ടുകളുണ്ടായിരുന്നു. ഇതിന് അടിവരയിടുന്ന കുറിപ്പാണ് ഏറ്റവും ഒടുവിലായി ക്രിസ്റ്റ്യാനോയില്‍ നിന്നുണ്ടായിരിക്കുന്നത്.
ഇറ്റാലിയന്‍ പരിശീലകന്‍ സ്റ്റഫാനെ പിയോളിയുടെ നടപടികളിലെ അതൃപ്തിയാണ്, ക്ലബ് വിടാനുള്ള താരത്തിന്റെ നീക്കത്തിന് പിന്നിലെന്നാണ് സൂചന. ക്ലബ്ബുമായുള്ള കരാര്‍ പുതുക്കണമെങ്കില്‍ പിയോളിയെയും സ്പോര്‍ട്ടിങ് ഡയറക്ടര്‍ ഫെര്‍ണാണ്ടോ ഹിയേറോയെയും മാറ്റണമെന്ന് താരം നിര്‍ദേശം വച്ചതായി റിപ്പോര്‍ട്ടുകളുണ്ടായിരുന്നു.

ഉന്നം ട്രാന്‍സ്ഫര്‍ വിന്‍ഡോ

ജൂണ്‍ ഒന്നുമുതല്‍ 10 വരെ പ്രത്യേക ട്രാന്‍സ്ഫര്‍ വിന്‍ഡോ നടക്കാനിരിക്കുകയാണ്. അതിന് തൊട്ടുമുന്‍പാണ് ക്രിസ്റ്റ്യാനോ റൊണാള്‍ഡോയുടെ കുറിപ്പെന്നത് ശ്രദ്ധേയമാണ്. 32 ക്ലബ്ബുകള്‍ക്ക് കളിക്കാരെ സ്വന്തമാക്കാനുള്ള അവസരമാണിത്. അതിനാല്‍ ചില പ്രമുഖ ക്ലബ്ബുകളുമായി താരം അണിയറയില്‍ സംസാരിച്ചുവരികയാണ്.

എംഎല്‍എസിലേക്കെന്ന് സൂചന
നോര്‍ത്ത് അമേരിക്കന്‍ ലീഗായ എംഎല്‍എസ് (മേജര്‍ ലീഗ് സോക്കര്‍) ആണ് റൊണാള്‍ഡോ ലക്ഷ്യമിടുന്നതെന്നാണ് സൂചന. അര്‍ജന്റീനയുടെ ഇതിഹാസ താരം ലയണല്‍ മെസി ഈ ലീഗിലാണ് കളിക്കുന്നത്. ഇന്റര്‍ മിയാമിക്കുവേണ്ടി മെസിയിറങ്ങുമ്പോള്‍ എതിരാളിയായി റൊണാള്‍ഡോ എത്തുമോ എന്നാണ് അറിയേണ്ടത്.

പ്രകടനം ഇങ്ങനെ

മൂന്ന് വര്‍ഷത്തിനിടെ 111 മത്സരങ്ങളിലാണ് അല്‍ നസ്ര്‍ ക്ലബ്ബിനുവേണ്ടി താരം ഇറങ്ങിയത്. 99 ഗോളുകള്‍ സ്വന്തമാക്കി. രണ്ട് തവണ സൗദി പ്രോ ലീഗില്‍ ടോപ് സ്‌കോററാവുകയും ചെയ്തു. എന്നാല്‍ താരം മിന്നും പ്രകടനം പുറത്തെടുത്തിട്ടും ടീമിന് ഒരു കിരീടം പോലും നേടാനായില്ല. സൗദി പ്രോ ലീഗില്‍ അല്‍ ഹിലാലിനും അല്‍ ഇത്തിഹാദിനും പിന്നില്‍ മൂന്നാമതാണ് ടീം.
ലേറ്റസ്റ്റ് ന്യൂസ്
ലേഖനത്തിന്‍റെ അവസാനം
Subscribe to our daily Newsletter!
Latest News